課堂筆記 · 3 小時實戰

唔使識寫 code，
今日親手請一個
AI 員工返工。

你用咗 ChatGPT 咁耐，佢答完你，落手做嗰個人——始終都係你。
今日要拆嘅，就係呢一步。

🧠 AI Agent 同普通 AI 分別 🦾 Hermes 架構拆解 ⏰ 排程自動做嘢 🧬 自我進化
Part 1

乜嘢係 AI Agent？

一句講完：普通 AI 係顧問，AI Agent 係員工。

顧問畀完意見就走，落手嗰個係你。員工係你交低一個目標，佢自己拆步驟、自己開工具、自己做完、自己檢查，最後攞成品返嚟見你。

1 Chatbot 問一句、答一句 2 記得你 知你背景先答 3 AI Agent 拆步驟 · 用工具 逐步執行 4 AI 管理層 AI 檢查 AI AI 承擔嘅執行責任越嚟越多　→　你搬嘅嘢越嚟越少
由「識答」行到「識做」，再行到「識檢查自己」。今日我哋停喺第 3、望住第 4。
堂上講法你唔係唔識用 AI。你係請咗個好醒嘅顧問，但冇請過員工。今日就係教你點請人。
Part 2

AI Agent 勁喺邊？四樣嘢

呢四樣，普通 AI 一樣都冇。

A

裝到 Skills，仲要記得曬你

普通 AI 冇得「裝嘢」。你教完佢一次，下次由零開始。
AI Agent 兩樣嘢係寫落硬碟嘅：記憶同技能。

記憶分三層 — 唔係一個「記唔記得」咁簡單 ③ 對話歷史 上星期二做過乜、嗰個客叫咩名、搵得返 自動儲，唔使你理 ② 環境記憶 你部機有咩、你公司點做嘢、你間舖啲流程 做嘢做嘢就儲落嚟 ① 你係邊個 你嘅語氣、你嘅偏好、你鬧過佢邊樣嘢 你自己寫一次
越上面越少、越貴重；越下面越多、越自動。三層加埋先叫「記得你」。
每教佢一次 佢就永遠識 1　你教佢做一次 Teach once 2　做得掂 → 存低 Save as Skill 3　下次一句叫得郁 Reuse 4　做錯 → 改做法 Fix 5　越用越準 Improve
Skill 唔係 plugin，係「你教過佢一次嘅做法」被寫低咗。教一次，用一世。
B

出嘢穩定

同一個 prompt 問 ChatGPT 五次，五個答案。做生意用唔到——你要嘅係每次都一樣。
Agent 跟嘅係一份寫死咗嘅流程（SOP），唔係當場臨場發揮。

普通 AI：次次都唔同 好時好、唔好時要重做 → 你要逐次檢查 AI Agent：跟住 SOP 行 水準畫一條直線 → 你交得出去見客
做生意最值錢嘅唔係「有時勁好」，係「次次都咁好」。
C

可以駁 MCP —— 佢開始有手

MCP 你當佢係「AI 嘅萬能插頭」。駁一個插頭，佢就多一對手。
冇 MCP 嘅 AI，識講唔識做；駁咗 MCP，佢真係入到你個 Google Sheet、你個 Drive、你個 Notion 度郁嘢。

AI Agent 識諗 · 識決定 📊 Google Sheet 📁 Google Drive 🌐 上網搵料 📝 Obsidian 🎨 出圖 📧 收發 Email
每個插頭＝一對新嘅手。今日駁三個，下個月駁十個，佢做到嘅嘢就多十倍。
D

做完可以叫另一個 Agent 去 check

呢樣係最少人講、但最恐怖嗰樣。
做嘢嗰個唔會覺得自己做錯——所以要搵第二個人驗。AI 都一樣：一個做，另一個零背景咁去挑骨頭，唔合格打返轉頭重做。

一個做、一個驗 —— 你唔使做執手尾嗰個 你落一個目標 「幫我寫份報價單」 You Agent A 落手做 · 交出成品 Maker Agent B 冇睇過 A 點諗 · 淨係揾錯處 Checker ✅ 交俾你 唔合格 → 打返轉頭重做
驗嗰個一定要「零背景」。你話咗俾佢知你點諗，佢就會同你一樣盲。

四樣加埋，就係咁樣

😐 普通 AI（ChatGPT 網頁）
🤖 AI Agent（Hermes）
你問一句，佢答一句
你講一個目標，佢做到完
答完你要自己 copy、開網、儲檔
佢自己開工具、自己儲檔
關咗個 tab 就唔記得你
記得你係邊個、上次做到邊
同一個問法，每次答得唔同
同一個流程，次次照做
淨係識講，郁唔到你啲嘢
駁 MCP，真係入到你個 Sheet 度做嘢
做錯咗你先發現
另一個 Agent 幫你驗先出
你唔問，佢唔郁
夠鐘自己開工，做完先叫你
Part 3

咁點解揀 Hermes？

市面上 AI Agent 唔止一個。Codex、Claude Code 都好勁——但佢哋住喺你部電腦入面。

💻 OpenAI Codex

好打得嘅執行者。快、雜項嘢掂。
但：要你開住部電腦坐喺度。

🎓 Claude Code

最深功力嗰個，複雜嘢、大 project 揾佢。
但：一樣係坐喺 terminal 等你。

🤖 Hermes Agent

唔係比佢哋叻——係唔使你坐喺度。手機、WhatsApp、瞓咗覺都做緊嘢。

Codex / Claude Code＝你請咗個高手，但佢淨係喺公司枱頭等你。
Hermes＝同一個高手，但佢有電話、有手機、24 小時開機。

最實用嗰樣：佢住喺你已經用緊嘅 App 入面

Hermes 同一個佢 ✈️ Telegram 💬 WhatsApp 🎮 Discord 📧 Email 💼 Slack 🖥️ 電腦 🌐 網頁
重點唔係「支援好多 App」，係——你搭緊車、見緊客、行緊街，一句 WhatsApp 就叫得郁佢。
堂上示範當場喺 Telegram 打一句：「幫我搵今日 5 條 AI 新聞，寫成廣東話摘要」，keep 住講書，講完返嚟睇——嘢已經做好咗。
Part 4

Hermes 個「人」係點砌出嚟

你當佢真係一個人咁睇，一分鐘就明晒。

大腦 AI Model 身 Hermes 本體 收指令 · 拆步驟 安排邊個做 🧠 頭 ＝ AI Model（租返嚟） OpenAI / Claude / Gemini 都插得 新手：直接用 OpenAI 月費最抵 🦾 手 ＝ MCP Sheet、Drive、上網、出圖 駁得越多，做到嘅嘢越多 📓 筆記簿 ＝ Obsidian 佢做過嘅嘢寫低成檔案 變成你自己嘅知識資產 🧬 技能 ＝ Skills（識自我進化） 做成功一次就存低，下次唔使再教
頭可以換、手可以加、筆記簿越寫越厚、技能越用越多——但「佢係邊個」唔會變。

最緊要記住呢句：Hermes 冇自己個腦。

佢係間公司，唔係個員工。AI Model 先係腦。
所以出年 OpenAI 出咗新 model，你換個腦就得——你教落嘅記憶同技能一樣都唔會冇。呢樣就係你唔會被綁死嘅原因。

補充內容
Part 5

排程：你瞓覺嗰陣，佢做緊嘢

前面講嘅全部都要你開口先郁。呢樣唔使你開口。

你同佢講一次「每朝七點半，幫我睇曬啲留言，整理成一份摘要 send 落 WhatsApp」——之後就唔使再講。日日都會有。

你嘅一日 vs 佢嘅一日 00:0006:00 12:0018:0024:00 👤 你：09:00 – 19:00 返工 😴 瞓緊 😴 瞓緊 🤖 Hermes：24 小時開機 04:00爬對手資料 07:30早報落手機 13:00整理留言 19:00出當日報表
你返 8 個鐘，佢返 24 個鐘。而且唔使出糧、唔會 hea、唔會辭職。

📰 每朝早報

行業新聞 + 對手動態，七點半落你手機。

📊 每日數據

廣告花咗幾多、幾多人報名，收工前自動出。

👀 監察

個網死咗、對手出咗新廣告——佢即刻話你知。

堂上一句你唔係請咗個 AI。你係請咗個返夜更、又唔使加人工嘅同事。
補充內容
Part 6

「咁佢會唔會亂嚟？」

呢條問題全場一定有人問。答案：你劃條線俾佢，佢唔會過線。

✅ 隨便做，唔使問

  • 搵資料、睇網、做研究
  • 寫文、整報表、做 PPT
  • 整理檔案、寫筆記
  • 係自己嘅工作區入面郁嘢

⛔ 一定要你點頭先做

  • 用錢（買嘢、落廣告費）
  • send 嘢俾客、出 post 出街
  • 刪嘢、改重要設定
  • 掂密碼、掂數據庫

呢條線唔係佢自己識劃——係你寫落佢個記憶度嘅。寫一次，之後佢每次都跟。
初初唔放心？開頭全部設「做之前問我」，用熟咗先逐樣放手。同帶新人一模一樣。

Part 7

自我進化長咩樣？—— 睇實物

「自我進化」聽落好虛。落地就係一句：你教佢一次，佢就永遠識。

你今日會親手做嘅嘢：掉一條 YouTube link 俾佢，佢自己抽字幕、自己抽重點、自己寫成筆記、自己存檔。
然後——將呢整個流程存低做一個 Skill。

1
你掉條 link一句話，冇 prompt 技巧
→
2
抽字幕成條片變成文字
→
3
抽重點去水、留乾貨
→
4
寫成筆記有結構、睇得明
→
5
存入筆記簿Obsidian，搵返到
冇 Skill 每次都要重新解釋成段嘢 第 1 次 · 第 2 次 · 第 3 次…都一樣咁長氣 存低咗做 Skill 之後 「幫我 summary 呢條片」 7 個字，做齊上面 5 步 同一件事，教一次之後嘅分別
今日堂上呢一 part 做完，你就會明點解叫「自我進化」——唔係佢自己變醒咗，係你教過嘅嘢佢冇再唔記得。
Part 8

裝喺自己部電腦，定係裝上網？

💻 裝喺自己部電腦 開機先做嘢 · 閂機就停 處理你電腦入面啲檔案 先試下水 → 用呢個 ☁️ 裝上網（VPS） 閂咗機都照做 · 24 小時 手機遠端叫 · 有排程 想佢返夜更 → 用呢個 一條問題分勝負：出咗街，你仲想唔想叫佢做嘢？
想＝上 VPS。唔使＝先裝自己部機，之後隨時搬。
Part 9

今日帶走呢 7 句

  1. 普通 AI 係顧問，AI Agent 係員工。分別唔喺答案，喺邊個落手做。
  2. Agent 記得曬你——你係邊個 / 你點做嘢 / 上次做到邊，三層記憶。
  3. 佢跟 SOP 做嘢，所以出嘢穩定，交得出去見客。
  4. MCP ＝ 佢對手。駁得越多，做到嘅嘢越多。
  5. 做完可以叫另一個 Agent 驗，你唔使做執手尾嗰個。
  6. Hermes 冇自己個腦——腦係租返嚟，隨時換，記憶同技能唔會冇。
  7. 最勁一樣：唔使你開口佢都做嘢（排程）＋ 你喺邊都叫得郁佢（WhatsApp / Telegram）。

📝 散場前一條題

用一句話，向一個完全未聽過 AI Agent 嘅朋友解釋佢係咩。

參考答案：「就係將一個好醒嘅 AI，變成一個記得你、有手做嘢、你喺邊都叫得郁、瞓咗覺都仲喺度返工嘅數碼員工。」